Fundargerðir

Skipulags- og umhverfisnefnd - 110

Haldinn í Ráðhúsi Ölfuss,
23.03.2026 og hófst hann kl. 14:00

Fundinn sátu: Geir Höskuldsson formaður,
Hjörtur S. Ragnarsson varaformaður,
Guðlaug Einarsdóttir aðalmaður,
Vilhjálmur Baldur Guðmundsson aðalmaður,
Hrönn Guðmundsdóttir aðalmaður,
Guðmundur Oddgeirsson áheyrnarfulltrúi,
Sigurður Steinar Ásgeirsson skipulagsfulltrúi,

Fundargerð ritaði: Sigurður Steinar Ásgeirsson, Sviðsstjóri Skipulags- og lögfræðisviðs

Dagskrá:

Almenn mál

1. 2603035 - Kríuvík 10 - fyrirspurn um túlkun skipulags - heimild til að gera kjallara

Lögð er fram fyrirspurn um túlkun deiliskipulags vesturbyggðar. Í greinargerð deiliskipulags segir að kjallarar séu ekki leyfðir í hverfinu. Á uppdrætti hins vegar er merkt inn á teikningu einbýlishúsalóða næst suðurstrandarvegi 1 K sem gefur til kynna að kjallarar séu leyfðir á þeim lóðum. Lóðarhafi hefur hug á að byggja hús á lóðinni með kjallara.

Afgreiðsla skipulags- og umhverfisnefndar: Samkvæmt meðfylgjandi teikningu er um hús að ræða með inndreginni efri hæð. Ekki verður séð að hönnun hússins verði til truflunar fyrir nágranna s.s. vegna skuggavarps og er hönnunin því samþykkt.

2. 2603036 - Umsókn um framkvæmdaleyfi vegna rannsóknarborholu

OR sækir um framkvæmdaleyfi vegna rannsóknarborholu við lágaskarð. Holan verður boruð á svæði sem er skilgreint sem iðnaðarsvæði í aðalskipulagi og er ætlað að kortleggja jarðhitaauðlindina á svæðinu. Boruð verður grennri hola en hefðbundnar vinnsluholur og nýtist ekki sjálfstætt sem vinnsluhola síðar.

Afgreiðsla Skipulags- og umhverfisnefndar: Framkvæmdaleyfi veitt.

Fært til bókar á fundi - Guðmundur Oddgeirsson: Enn og aftur heldur OR áfram með bútasauminn, einn skiki á eftir öðrum er tekinn af ósnortu landi. Núna óskar OR eftir leyfi til að fara inn í Lakadal með tilheyrandi vegslóða og borplani.
Engin heildarsýn liggur fyrir á Hellisheiðarsvæðinu í því hversu langt á að ganga í að vaða yfir náttúru svæðisins. Er kominn tími á málstofu um hverju eigi að fórna, hvort eigi að skilgreina Hellisheiðarsvæðið í heild sinni sem orkuvinnslusvæði, frá Bláfjöllum í vestri, Skálafell með Norður- og Suðurhálsum, Stóra- og Litla Meitili og Henglinum, eða ekki? Ég velti fyrir mér hvort að baráttan fyrir náttúrunni á þessu svæði sé töpuð.
Guðmundur Oddgeirsson, áheyrnarfulltrúi Íbúalistans.

3. 2603041 - Umsókn um lóð - Litla Kaffistofan

Klettagarðar 12 ehf. sækir um lóðina Litla Kaffistofan.
Sveitarfélagið Ölfus auglýsti eftir aðilum til að nýta lóð innan þjóðlendu í Ölfusi til 28.febrúar 2026 og aðeins ein umsókn barst.

Afgreiðsla skipulags- og umhverfisnefndar: Samþykkt.

4. 2603056 - Klettar-Þóroddstaðir 2 - Fyrirspurn um heimild til að breyta landnotkun

Landeigandi leggur fram fyrirspurn um áform um sameiningu lóða Kletta (L238212) og Þóroddsstaða 2 (L210409) í eina lóð, ásamt breytingu á landnotkun og byggingarmagni. Í erindinu er gert ráð fyrir að landnotkun Þóroddsstaða 2 verði breytt úr íbúðarhúsalóð í landnotkun fyrir hótel og ferðaþjónustu. Samhliða er lagt til að byggingarreitir verði endurskoðaðir og heimilt verði að reisa allt að átta ferðaþjónustuhús, hvert allt að 55 m² að stærð. Þá er jafnframt gert ráð fyrir uppbyggingu hótelbyggingar á nýjum byggingarreit með allt að 50 herbergjum og allt að 3.000 m² heildarstærð á tveimur hæðum, þó gert sé ráð fyrir að uppbygging verði í fyrstu minni, eða um 25?35 herbergi. Einnig er gert ráð fyrir að sameiginleg hreinsistöð fráveitu fyrir sameinaða lóð verði staðsett syðst á lóðinni. Nánari upplýsingar um áformað skipulag, byggingarreiti og byggingarmagn koma fram á meðfylgjandi uppdráttum og greinargerð.

Afgreiðsla skipulags- og umhverfisnefndar: Nefndin tekur jákvætt í fyrirspurn landeiganda um framlagðar hugmyndir. Nefndin bendir á að fyrirhuguð breyting á landnotkun úr landbúnaðarsvæði í verslun og þjónustu, sem og aukið byggingarmagn, kalli á breytingu á aðalskipulagi. Jafnframt sé ljóst að vinna þurfi deiliskipulag fyrir svæðið. Þá er bent á að tryggja þarf aðgengi að neysluvatni fyrir lóðirnar áður en skipulag fær lokaafgreiðslu.

5. 2603057 - Tengivirki á Völlum - DSK

Lagt er fram deiliskipulag á völlum þar sem staðsett er tengivirki Landsnets við Hveragerði. Efla þarf tengivirkið til að auka afhendingagetu raforku á svæðinu og því er ráðgerð stækkun.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010.

Fleira ekki gert. Fundi slitið kl. 16:00

Til baka

Prenta

Prenta síðu

X Loka