| |
| 1. 2511079 - Lista og menningarsjóður Ölfuss - umsóknir | |
Bæjarráð lýsir yfir ánægju með fjölbreytileika og gæði þeirra umsókna sem bárust. Eftir að hafa yfirfarið umsóknir er niðurstaða ráðsins að styrkúthlutun verði sem hér segir:
Lúðrasveit Þorlákshafnar, vortónleikar: 505.000 kr.
Tónlistaskóli Árnesinga, brú milli tóna: 250.000 kr.
ARGH verjar: Listasýning, Hamingjuopnun: 200.000 kr.
Hamingjuhöfn, miðlun frétta úr heimabyggð: 200.000 kr.
Alþjóðleg tónlistahátið, WindWorks: 100.000 kr.
Kirkjukór Kotstrandarsóknar og Hveragerðis, Afmælistónleikar: 100.000 kr.
Ármann Elías, Lifandi popptónlist: 85.000 kr.
Samþykkt samhljóða.
| | |
|
| 2. 2611007 - Beiðni um rekstrarstyrk | |
Bæjarráð tekur jákvætt í erindið og tekur undir mikilvægi Reiðhallar Guðmundar fyrir íþrótta- og æskulýðsstarf í sveitarfélaginu. Sú aðstaða sem þar hefur verið byggð upp gerir börnum og ungmennum kleift að stunda hestamennsku við góðar og öruggar aðstæður allt árið.
Bæjarráð færir Einari Sigurðssyni sérstakar þakkir fyrir ómetanlegt framlag hans til uppbyggingar og viðhalds reiðhallarinnar. Jafnframt fagnar bæjarráð þeirri vinnu stjórnar hallarinnar að styrkja tekjugrunn hennar og skapa rekstrinum traustari grundvöll til framtíðar.
Bæjarráð vísar beiðninni um 2.000.000 kr. rekstrarstyrk til gerðar fjárhagsáætlunar fyrir árið 2027, með það að markmiði að styðja við áframhaldandi starfsemi hallarinnar og gjaldfrjáls afnot barna og ungmenna af aðstöðunni.
Samþykkt samhljóða. | | |
|
| 3. 2607032 - Viljayfirlýsing vegna mögulegrar uppbyggingar gagnavers | |
Bæjarráð fagnar áformum Glacier Grid ehf. um uppbyggingu gagnavers í Ölfusi og þeim tækifærum sem verkefnið getur skapað til fjölgunar starfa, verðmætasköpunar og eflingar tekjugrunns sveitarfélagsins.
Bæjarráð samþykkir fyrirliggjandi samkomulag um skilyrt og tímabundið lóðarvilyrði innan iðnaðarsvæðis I4 og felur bæjarstjóra að ganga frá samkomulaginu og undirrita það fyrir hönd Sveitarfélagsins Ölfuss.
Bæjarstjóra er jafnframt falið að vinna áfram með félaginu og skipulagsfulltrúa að nánari staðsetningu og afmörkun lóðarinnar í samræmi við ákvæði samkomulagsins.
Bæjarráð áréttar að endanleg lóðaúthlutun er háð viðeigandi skipulagsmeðferð, sérstakri samþykkt bæjarráðs og samkomulagi um lóðarleigusamning og tilskilin gjöld. Samkomulagið breytir ekki lögbundnu skipulagsforræði sveitarfélagsins og felur ekki í sér fyrirfram samþykki á deiliskipulagi eða leyfisveitingum.
Samþykkt samhljóða.
| | |
|
| 4. 2611008 - Viljayfirlýsing um mögulegt hitaveituverkefni | |
Bæjarráð fagnar vilja Reykjavík Geothermal ehf. til samstarfs um að kanna aukið framboð á heitu vatni í Ölfusi. Bæjarráð leggur áherslu á að nýting orkuauðlinda sveitarfélagsins skili ávinningi til íbúa og atvinnulífs og styðji við áframhaldandi uppbyggingu, í samræmi við orku- og auðlindastefnu Ölfuss.
Bæjarráð samþykkir fyrirliggjandi viljayfirlýsingu og felur bæjarstjóra að ganga frá henni og undirrita fyrir hönd Sveitarfélagsins Ölfuss.
Bæjarstjóra er jafnframt falið að leiða áfram viðræður við Reykjavík Geothermal og vinnu við að kanna forsendur, umfang og fyrirkomulag hitaveituverkefnisins. Niðurstöður þeirrar vinnu og tillögur að frekari samningum verði lagðar fyrir bæjarráð til afgreiðslu.
Samþykkt samhljóða.
| | |
|
