| |
| 1. 2102010 - Sveitarfélagsmörk Ölfuss og Hveragerðis | |
Bæjarráð Ölfuss bendir á að Hveragerðisbær er um 9 km2, þar af eru innan við 2 km2 nýttir undir íbúabyggð. Talsvert svigrúm er því innan núgildandi sveitarfélagamarka til áframhaldandi þróunar. Þau rök sem til eru tínd í erindi Hveragerðisbæjar eru fyrst og fremst að svæðin sem um ræði séu mikilvæg vegna útivistar. Þá hefur einnig verið nefnt að hluti íbúa í Ölfusi sæki þjónustu inn í Hveragerði og er þar sérstaklega fjallað um íbúa við Brúarhvammsveg í Ölfusi.
Bæjarráð Ölfuss fær ekki fallist á þau rök að íbúar í Hveragerði fái ekki notið umræddra svæða til útivistar nema að þau séu hluti af skipulagssvæði Hveragerðis. Í því samhengi má til að mynda nefna afar vel lukkað göngustígakerfi frá Torfeyri að Reykjum, golfvöllinn í Gufudal, gönguleiðir inn Reykjadal og fleira. Allir þessir staðir í Ölfusi nýtast til útivistar fyrir íbúa í Hveragerði þrátt fyrir að svæðin tilheyri Sveitarfélaginu Ölfusi.
Hvað varðar það að breyta þurfi sveitarfélagamörkum þar sem íbúar í Ölfusi sæki þjónustu, svo sem skólaþjónustu, inn í Hveragerði þá vill bæjarráð Ölfuss minna á að þjónusta grunn- og leikskóla í Hveragerði er ekki eingöngu í rekstri þess sveitarfélags heldur í raun réttri byggðasamlag þar sem Sveitarfélagið Ölfus ekki bara fer með eignarhald á fasteignum heldur greiðir hluta rekstrar. Hið sama á við með félagsþjónustu og fleira. Bæjarráð Ölfuss telur mikilvægt að þeir sem um málin fjalla, ekki hvað síst kjörnir fulltrúar í Hveragerði, séu meðvitaðir um þessa tilhögun. Ekki verður séð að þetta fyrirkomulag kalli á breytt sveitarfélagamörk.
Að framansögðu telur bæjarráð Ölfuss ekki ástæðu til viðræðna vegna breytinga á sveitarfélagamörkum. Eftir sem áður er Sveitarfélagið Ölfus tilbúið til viðræðna um ýmis sameiginleg hagsmunamál. | | |
|
| 2. 2102021 - Samkomulag um aðilaskipti að samningi Lambafellsnáma | |
| Bæjarráð samþykkir samkomulag um aðilaskipti að samningi um efnistöku úr Lambafellsnámu fyrir sitt leyti. | | |
|
| 3. 2102017 - Viðauki við samning um sölu fasteigna Laxabraut 19 | |
| Bæjarráð samþykkir viðaukann. | | |
|
| 4. 2102022 - Smábátafélagið Árborg-ósk um breytingar á sérreglum um úthlutun á byggðakvóta | |
Bæjarráð tekur undir álit Smábátafélagsins, líkt og það hefur áður gert.
Bæjarráð minnir á að á fundi þess 03.09.2020 lá fyrir svar við erindi bæjarráðs frá fundi þess 7.maí sem sent var ráðuneytinu 14.maí, þar sem bæjarráð óskaði eftir tímabundinni undanþágu frá skilyrðum 1.mgr. 6.gr. um að landa afla innan byggðalagsins út fiskveiðiárið. Í svarinu var beiðni Sveitarfélagsins Ölfuss hafnað.
| | |
|
| 5. 2102004 - 70 ára afmæli þéttbýlis | |
Bæjarráð samþykkti á síðasta fundi sínum að skipa 3ja manna stýrihóp sem skila skal kostnaðargreindum tillögum til bæjarráðs um það hvernig 70 ára þéttbýlissögu Þorlákshafnar verði best minnst. Bæjarráð beinir því til hópsins að kostnaði verði haldað innan við 5 milljónir.
Hópnum verði falið að skila tillögunum eigi síðar en 1.apríl nk.
Í hópnum sitja: Róbert Dan Bergmundsson (formaður), Hrafnhildur Hlín Hjartardóttir og Rúnar Gunnarsson.
Sviðsstjóra falið að kalla hópinn saman til fyrsta fundar.
| | |
|
| 6. 2102058 - Framboð í stjórn Lánasjóðs sveitarfélaga | |
| Bæjarráð þakkar upplýsingarnar. | | |
|
| 7. 2102007 - Úthlutunarreglur Uppgræðslusjóðs | |
| Bæjarráð samþykkir breytingarnar. | | |
|
| 8. 2102023 - Reglur um námsleyfi - endurskoðun | |
| Bæjarráð samþykkir drögin og tilgreindar breytingar. | | |
|
| 9. 2004007 - Dagvistun - heimgreiðslur til foreldra | |
| Bæjarráð samþykkir reglurnar og þar með framhald verkefnisins. | | |
|
| 10. 1909030 - Héraðsskjalasafn-framtíðarhúsnæði | |
Bæjarráð Ölfuss bendir á að Árborg hefur nú haft 16 mánuði til standa við það boð sem stjórn Héraðsskjalasafnsins ákvað að þiggja. Seinagangurinn hefur orðið til þess að nú er svo komið að byrjað er að horfa til þess að flytja þá starfsemi sem Héraðsskjalasafnið hefur veitt Árnesingum allt frá 1985 til Reykjavíkur.
Bæjarráð Ölfuss kallar því eftir því að framkvæmdum við húsnæðismál Héraðsskjalasafnsins verði hraðað í anda tilboða sveitarfélaganna.
Eðlilegt og sanngjarnt verður að telja að þar sem Árborg hefur enn ekki getað staðið við það tilboð sem það lagði fram verði sú leið farin að byggja safnið í Ölfusi gegn þeirri aðkomu sem lýst hefur verið. Til viðbótar við það sem áður hefur verið boðið lýsir bæjarráð sig tilbúið til að veita sérstakan styrk til að mæta fasteignagjöldum af húsnæði þessarar menningarstarfsemi fyrstu 4 árin.
Verði þessu boðið tekið ætti útboð á hönnun að geta átt sér stað núna í mars og útboð vegna framkvæmda eigi síðar en í apríl. Framkvæmdir ættu að geta hafist eftir mitt ár og menningarstarfsemi Héraðsskjalasafnsins gæti þá verið komin í framtíðarhúsnæðið sem kallað er eftir strax á næsta ári.
| | |
|
| 11. 1806017 - Kosning í nefndir og ráð Sveitarfélagsins Ölfuss. | |
Lagt er til að Grétar Ingi Erlendsson verði varamaður í Héraðsnefnd Árnesinga.
Samþykkt samhljóða. | | |
|
| 12. 1704002 - Lagafrumvörp Beiðni Alþingis um umsögn. | |
| Lagt fram | | |
|
