Fundargerðir

Skipulags- og umhverfisnefnd - 96

Haldinn í Ráðhúsi Ölfuss,
18.06.2025 og hófst hann kl. 08:15

Fundinn sátu: Geir Höskuldsson formaður,
Björn Kjartansson 2. varamaður,
Vilhjálmur Baldur Guðmundsson aðalmaður,
Hrafnhildur Hlín Hjartardóttir 1. varamaður,
Guðmundur Oddgeirsson áheyrnarfulltrúi,
Sigurður Steinar Ásgeirsson skipulagsfulltrúi,

Fundargerð ritaði: Sigurður Steinar Ásgeirsson, Skrifstofu- og verkefnastjóri

Dagskrá:

Almenn mál

1. 2506007 - Merkjalýsing - Samsett aðgerð - Laxabraut 39-41

Lagt er fram merkjalýsing - samsett aðgerð - Laxabraut 39-41. Merkjalýsing þessi er unnið skv. gildandi deiliskipulagi fyrir Laxabraut 35-41, fiskeldisstöð, dags. B.deild augl. 09.07.2024 og aðalskipulagi Sveitarfélagsins Ölfuss 2020-2036. Laxabraut 39 (L235185) sameinist Laxabraut 41 (L172018). Lóðin mun heita Laxabraut 39 og verður með landeignanúmer L172018. Samtals stærð lóðanna er 107879,9 m2. Stærð Laxabraut 39 eftir sameiningu er hinsvegar 107885,4 m2 og stækkar því um 5,5 m2. Mismunurinn kemur úr Þorlákshöfn (L171822). Þorlákshöfn er ekki með skráða stærð í fasteignaskrá HMS en minnkar nú um það sem því nemur.

Afgreiðsla skipulags- og umhverfisnefndar: Samþykkt

2. 2506021 - Hellisheiðarvirkjun 23. DSKbr - stækkun lóðar fyrir neyðarlosun - óv. DSKbr

Lögð er fram tillaga að 23. breytingu deiliskipulags Hellisheiðarvirkjunar. Breytingin felst í að lóð fyrir neyðarlosun sem staðsett er við hraunjaðar vestan Kolviðarhólsreits stækkar til að skapa meira svigrúm fyrir staðsetningu svelghola vegna neyðarlosunar frá Hellisheiðarvirkjun.
Lóðin er í gildandi deiliskipulagi 2,5 ha en stækkar um 1,68 ha og verður því eftir stækkun um 4,18.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 2. málsgrein 43. greinar skipulagslaga nr 123/2010.

3. 2506024 - Hafnarsvæði - lóð fyrir hreinsistöð - óv. DSKbr.

Lögð er fram óveruleg breyting á skipulagi hafnarsvæðis. Breytingin felst í stækkun lóðar undir væntanlega hreinsistöð fyrir sveitarfélagið.

4. 2506026 - Beiðni um fjárveitingu til reiðstígagerðar og viðgerða vegna framkvæmda sveitarfélagsins

Hestamannafélagið Háfeti leggur fram beiðni um fjárveitingu til reiðstígagerðar og til viðgerða á reiðstígum sem skemmdust vegna framkvæmda sveitarfélagsins. Félagið hyggst hefja framkvæmdir í sumar, meðan hestar eru beit, svo þær verði klárar næsta haust.

Félagið aflaði tilboða í verkið og leggur fram framkvæmdalýsingu og kostnaðaráætlun.

Afgreiðsla skipulags- og umhverfisnefndar: Nefndin samþykkir erindið fyrir sitt leyti en vill þó benda á eftirfarandi atriði. Í vinnslu er að gera göngu/hjólastíg fyrir norðan Laxabraut og telur nefndin eðlilegra að reiðvegur út í nes verði hannaður samhliða þeim stíg, fremur en að hann liggi samhliða Laxabrautinni.

Þá vísar nefndin umfjöllun um fjárveitingu til bæjarráðs og leggur til eftirfarandi framkvæmdaröð m.t.t. skipulagsmála; að fyrst verði framkvæmdar leiðir 3-6 og leiðir 2 og 1 komi þar á eftir.

5. 2412025 - Sogn - Nýtt deiliskipulag

-Endurkoma eftir athugasemdir SLS
Skipulagsstofnun lögðu fram nokkrar athugasemdir í sinni lokayfirferð sem nú hefur verið brugðist við. Skipulagið er nú lagt fram í sinni endanlegu mynd.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.

6. 2503027 - Hellisheiðarvirkjun - Ný lóð í nýsköpunarkjarna - 22. breyting deiliskipulags

-Endurkoma eftir athugasemdaferli
Skipulagið var auglýst og er athugasemdafresti lokið. Engar athugasemdir voru gerðar við skipulagið og er það því lagt fram óbreytt.

7. 2506036 - Nafngiftir gatna í Móahverfi

Gatnagerð vindur áfram í Móahverfi og er orðið nauðsynlegt að veita fleiri götum í hverfinu nöfn. Lagðar eru fram nokkrar tillögur til íhugunar fyrir nefndina.

Afgreiðsla skipulags- og umhverfisnefndar: Tillögur verktaka samþykktar. Nefndin beinir því til skipulagsfulltrúa að stefnt verði að því að götunöfn verði í stafrófsröð.

8. 2506037 - Ábending vegna drykkjarsteins í skrúðgarði

Nefndinni hefur borist ábending um að undir drykkjarsteini í skrúðgarði myndist reglulega pollar. Þá hefur einnig verið bent á að vatnsbuna sé heldur lítil.

Afgreiðsla skipulags- og umhverfisnefndar: Nefndin beinir því til umhverfisstjóra að gera viðeigandi ráðstafanir svo vatn tæmist niður í jarðveg.

Fleira ekki gert. Fundi slitið kl. 10:15

Til baka

Prenta

Prenta síðu

X Loka