Fundargerðir

Bæjarstjórn Ölfuss - 294

Haldinn í Ráðhúsi Ölfuss,
30.09.2021 og hófst hann kl. 16:30

Fundinn sátu: Gestur Þór Kristjánsson forseti bæjarstjórnar,
Steinar Lúðvíksson 1. varaforseti,
Grétar Ingi Erlendsson bæjarfulltrúi,
Kristín Magnúsdóttir bæjarfulltrúi,
Jón Páll Kristófersson bæjarfulltrúi,
Þrúður Sigurðardóttir bæjarfulltrúi,
Guðmundur Oddgeirsson bæjarfulltrúi,
Elliði Vignisson bæjarstjóri, Sandra Dís Hafþórsdóttir sviðsstjóri.

Fundargerð ritaði: Sandra Dís Hafþórsdóttir, sviðsstjóri

Forseti óskaði eftir því að taka inn með afbrigðum mál nr.1806071, kosning í nefndir og ráð Sveitarfélagsins Ölfuss og mál nr.2105036 breyting á fundartíma bæjarstjórnar Ölfuss. Var það samþykkt samhljóða.

Dagskrá:

Almenn mál

1. 1605028 - Samstarf sveitarfélaga Fundargerðir Héraðsnefndar Árnesinga.

Í framhaldi af fyrri umræðu tók bæjarstjórn á ný til umfjöllunar húsnæðismál Héraðsskjalasafns Árnesinga og verkferla Héraðsnefndar þar að lútandi.

Fyrir bæjarstjórn lá álit lögmanns sveitarfélagsins þar sem m.a. er bent á að ekki verði hjá því komist að velta fyrir sér hvort að hinir sértæku útboðsskilmálar hafi beinlínis verið sniðnir að tilboði Akurhóla, sem var eina tilboðið sem barst. Þar með hafi önnur fyrirtæki hreinlega verið útilokuð frá þátttöku í útboðinu og hagsmunir sveitarfélaganna fyrir borð bornir. Í því samhengi er til að mynda bent á að þrátt fyrir loforð Sveitarfélagsins Árborgar um að leggja til gjaldfrjálsa lóð undir Héraðsskjalasafnið þá er Austurvegur 60, þar sem fyrirhugað er að byggja umrætt hús, enn í eigu Akurhóla. Ekki hefur verið sýnt fram á að lóðarverðið sé ekki inni í byggingarkostnaði og greiðist því af Hérðasskjalasafninu og þar með sveitarfélögunum.
Í öllu falli leikur enn vafi á því hvort að Héraðsnefnd sé í reynd að njóta þeirra gæða sem fólgin eru í tilboði Árborgar um gjaldfrjálsa lóð.

Lögð fram tillaga um að fresta afgreiðslu málsins til næsta fundar bæjarstjórnar og var hún samþykkt með 6 atkvæðum, Gestur Þór Kristjánsson greiddi atkvæði á móti tillögunni.

2. 2107020 - Kerfisáætlun Landsnets

Fyrir bæjarstjórn lá umsögn Sveitarfélagsins Ölfuss vegna kerfisáætlunar Landsnets 2021-2030. Umsögnin var send í kjölfarið á auglýsingu þar sem ROE bauð viðskiptavinum Landsnets og væntanlegum viðskiptavinum að koma á framfæri umsögnum vegna kerfisáætlunar 2021-2030 með hliðsjón af markmiðum m.a. um öryggi, skilvirkni, áreiðanleika afhendingar, hagkvæmni og gæði raforku.

Í erindinu kemur fram að umfang þeirra verkefna sem eru í undirbúningi í Sveitarfélaginu Ölfusi sé með þeim hætti að þau kalla á töluvert meiri orku en áætlanir Landsnets gera ráð fyrir að hægt verði að afhenda inn á svæðið. Sérstaklega er í erindinu vikið að þörfum grænna orku- og iðngarða sem eru í undirbúningi en innan þess klasa starfa m.a. landeldisfyrirtæki, seiðaeldi, jarðefnavinnslur, ylrækt, gagnaver, orkufyrirtæki o.fl. en fyrir liggur að orkuþörf þessara fyrirtækja er langt yfir afhendingargetu Landsnets.

Bæjarstjórn tekur undir þá afstöðu sem fram kemur í umsögn vegna kerfisáætlunar Landsnets og lýsir yfir miklum áhyggjum af stöðu orkumála í sveitarfélaginu. Bæjarstjórn leggur þunga áherslu á að strax verði hafin vinna til að bæta afhendingaröryggi raforku í sveitarfélaginu og óskar eftir því að tafarlaust verði hafin undirbúningur hjá Landsneti að aflaukningu umfram 30-35 MW til Þorlákshafnar með það að markmiði að stytta mögulegan framkvæmdartíma niður í 2-3 ár eftir að kominn er skuldbindandi samningur við viðskiptavin.

Samþykkt samhljóða.

3. 2109051 - Ársþing SASS 2021

Ársþing SASS sem haldið verður á Stracta hótelinu á Hellu 28.-29. október nk.

Lagt fram fundarboð á ársþing Samtaka sunnlenskra sveitarfélaga sem haldið verður 28. og 29. október nk. á Stracta hótelinu á Hellu. Á ársþinginu verða haldnir aðalfundir SASS, HSL og SOS.

Skv. samþykktum á Sveitarfélagið Ölfus 5 fulltrúa á aðalfund SASS, 5 fulltrúa hjá HSL og 1 á aðalfund SOS.

Bæjarstjórn samþykkir að fulltrúar sveitarfélagsins á aðalfundi SASS og aðalfundi Heilbrigðiseftirlitsins verði:
Frá D-lista; Grétar Ingi Erlendsson, Björn Kjartansson, Gestur Þór Kristjánsson.
Frá O-lista; Þrúður Sigurðardóttir, Jón Páll Kristófersson

Fulltrúi á aðalfundi Sorpstöðvar Suðurlands: Ingibjörg Kjartansdóttir.

Samþykkt samhljóða.

4. 2007006 - DSK Stóri - Saurbær 3

Skipulagsstofnun gerði aftur athugasemd við að deiliskipulagið væri birt í B-deild. Skipulagið hefur verið uppfært í samræmi við athugasemdirnar.

Afgreiðsla nefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 2. málsgrein 41. greinar skipulagslaga nr. 123/2010 m.s.br.

Niðurstaða nefndarinnar samþykkt.

5. 2109030 - Mánastaðir 1 grenndarkynning aukið byggingarmagn

Landeigandi óskar eftir að grenndarkynna aukið byggingarmagn á lóð sinni svo hann geti flutt þangað 30 fermetra tilbúið gestahús. Sótt er um að auka byggingarmagn á lóðinni, sem er 5151,1 fermetrar, um 25,5 m2. Á lóðinni má byggja samtals allt að 260 fermetra húsnæðis skv. deiliskipulagi. Við breytinguna verður heimilt að byggja allt að 285,5 fermetra húsnæðis, sem er aukning um 25,5 fermetra eða 9,8%.

Afgreiðsla nefndar: Nefndin beinir því til bæjarstjórnar að skipulagsfulltrúa verði falið að grenndarkynna tillöguna í samræmi við 2. málsgr. 43 gr. skipulagslaga nr. 123/2010 m.s.br. Tillagan verði grenndarkynnt með bréfi til lóðarrétthafa aðliggjandi lóða sem eru lóðirnar: Hreiður, Mánastaðir 2, Mánastaðir 4 og Sóltún.