Skemmtilegt í Þorlákshöfn og Grindavík um helgina

Ýmislegt verður gert af tilefni opnunar Suðurstrandarvegar um helgina. Um 40 manns hefur skráð sig í skoðunarferð til Grindavíkur á morgun þar sem Ómar Smári mun segja sögur og fræða gesti á leiðinni.Enn eru nokkur pláss laus í ferðinni og eru þeir sem vilja komast með beðnir um að hringja í síma 8636390.  Í Grindavík verður vel tekið á móti gestum í Kvikunni, auðlinda- og menningarhúsi Grindavikur.

Í Þorlákshöfn verður opin sýning og bókamarkaður á Bæjarbókasafni Ölfuss laugardag kl. 11:00-14:00 og á sunnudag kl. 15:30-17:00. Í Herjólfshúsinu við bryggjuna verður opið um helgina frá 11:00-18:00 og þar verður ýmislegt í boði og sannkölluð bryggjustemning á sunnudaginn eftir klukkan 14:00.

Grindvíkingar og Þorlákshafnarbúar hvetja gesti til að kíkja í heimsókn og aka Suðurstrandarveginn í sumar!