Fréttir

Bilun hefur komið upp á umferðaljósum og má gera ráð fyrir því að þau verði óvirk af og til sökum þessa.

Þann 1. september sl. breyttust reglur um útivistartíma barna og ungmenna.  Vetrartíminn tók þá við af sumartímanum og sá tími sem börn mega vera úti á kvöldin styttist.  Frá 1. september til 1. maí mega börn 12 ára og yngri vera úti til kl. 20:00 en 13-16 ára ungmenni mega vera úti til kl. 22:00.  Miðað er við fæðingarár.

Undirbúningur Tóna við hafið er á loksprettinum en fyrstu tónleikarnir verða næstkomandi föstudagskvöld. Tónleikaröðin verður fjölbreytt að vanda, þar sem reynt er að vera með eitthvað fyrir alla. Menningarráð Suðurlands styrkir tónleikaröðina og vakin er athygli á því að ókeypis er á tónleikana fyrir börn 12 ára og yngri.