Upptökur frá fyrstu árum byggðar

Á vordögum sótti Halla Kjartansdóttir um styrk til menningarnefndar til að færa upptökur sem tengjast atburðum og málefnum í Sveitarfélaginu af kasettum yfir á diska. Um er að ræða upptökur af tónleikum Söngfélags Þorlákshafnar og messum auk viðtals við Benedikt Thorarensen.  Menningarnefnd ákvað að styrkja þetta góða verkefni, enda fengi Byggðasafn Ölfuss diskana í kjölfarið til varðveislu.

Í síðustu viku komu Halla og eiginmaður hennar, Erlendur Jónsson og færðu Byggðasafninu upptökurnar á sjö diskum sem Erlendur hafði merkt skilmerkilega.

Menningarnefnd Ölfuss þakkar Höllu og Erlendi kærlega fyrir þennan gjörning. Á myndinni sem fylgir sést hvar Halla og Erlendur færa Barböru Guðnadóttur, menningarfulltrúa kassa með upptökunum.