Auglýsing um skipulag

Eftirtaldar skipulagstillögur eru auglýstar skv. 31. og 41. gr. skipulagslaga nr. 123/2010. Tillögurnar eru til umsagnar í skipulagsgátt og er hverjum þeim aðila sem telur sig eiga hagsmuna að gæta gefinn kostur á að gera athugasemdir við tillögurnar þar.

Hvoll í Ölfusi– Nýtt deiliskipulag

Lagt er fram nýtt deiliskipulag fyrir jörðina Hvoll í Ölfusi. Í breytingunni felst að jörðinni er skipt upp í tvær jarðir, Arnarhvoll og Arnarhvoll II. Á skipulagssvæðinu er gert ráð fyrir byggingu íbúðarhúsa, skemmu og gestahúsa.

Tillagan var samþykkt til auglýsingar á fundi bæjarstjórnar þann 2. júní 2025.

_________________________________

Þorkelsgerði 2c – Nýtt deiliskipulag

Skipulagið hefur áður verið auglýst en féll úr gildi þar sem ár var liðið frá lokum umsagnarfrests. Til stendur að skipta landinu upp í 4 lóðir, þar af eina lóð fyrir íbúðarhús og 3 lóðir undir frístundahús.

Tillagan var samþykkt til auglýsingar á fundi bæjarstjórnar þann 2. júní 2025.

_________________________________

Útvíkkun þéttbýlismarka Þorlákshafnar - ASKbr

Lögð er fram tillaga að breytingu á aðalskipulagi Ölfuss. Breytingin felst í að þéttbýlismörk Þorlákshafnar eru stækkuð til vesturs þannig að þau nái út fyrir iðnaðarsvæði á Sandi og fiskeldi meðfram ströndinni.

Tillagan var samþykkt til auglýsingar á fundi bæjarstjórnar þann 2. júní 2025.

Skipulagstillögurnar eru til umsagnar á Skipulagsgáttinni á www.skipulagsgatt.is til og með 24. júlí 2025. Til að finna ákveðið mál skal smella á „Leita að máli“ og slá inn nafn málsins í leitarreitinn.

Á Skipulagsgáttinni er hægt að:

• Skoða allar upplýsingar og gögn sem tengjast málinu
• Leggja fram athugasemdir
• Lesa þær athugasemdir sem aðrir hafa sent inn

Ef hakað er við „Vakta mál“ á tilteknu máli, fær viðkomandi tilkynningu í tölvupósti í hvert skipti sem breyting verður á málinu.

Þá er einnig hægt að nálgast upplýsingar eða gögn á Bæjarskrifstofu Ölfus, Hafnarbergi 1, Þorlákshöfn, með því að senda fyrirspurn á skipulag@olfus.is eða hafa samband við bæjarskrifstofuna í síma 480 3800.

Sigurður Steinar Ásgeirsson

Skrifstofu- og verkefnastjóri
Umhverfis- og framkvæmdasvið