Tæplega 30% kosningabærra íbúa hafa kosið

Í hádeginu í dag höfðu 399 Ölfusingar kosið í fyrstu rafrænu íbúakosningunni á Íslandi, eða rétt tæplega 30% af þeim 1.432 sem eru á kjörskrá í Sveitarfélaginu Ölfusi.

Kosningin hófst þann 17. mars síðastliðinn en henni lýkur fimmtudaginn 26. mars, í lok dags.

Þó þetta heiti kosning, er kannski fremur um könnun að ræða þar sem kannaður er áhugi íbúa á að fara í sameiningaviðræður og líka, við hverja ætti helst að ræða.

Einnig er kannaður áhugi íbúa á að breyta tímasetningu Hafnardaga, bæjarhátíðar Ölfuss.

Könnunina er hægt að nálgast  HÉR en allar upplýsingar er hægt að finna með því að fara inn á tenglana hér fyrir neðan. Þeir sem eru í vandræðum og þurfa aðstoð við að fá rafræn skilríki eða Íslykil, geta fengið aðstoða á bókasafninu, en Bæjarbókasafn Ölfuss er opið til kl. 19:00 á fimmtudaginn.

Íbúar eru hvattir til að taka þátt í þessari kosningu, láta sig málin varða, nýta lýðræðislegan rétt sinn og prufa þetta nýja kosningakerfi.

Upplýsingasíða, SPURT OG SVARAÐ

Ertu á kjörskrá?

Til að sækja um Íslykil, þarf að fara inn á eftirfarandi vefsíðu:
https://innskraning.island.is/?panta=1