Tendrun jólatrés 1. desember.

Jólatré Sveitarfélagsins Ölfuss verður tendrað, við hátíðlega athöfn 1.desember kl. 18:00, á Ráðhústorginu. Kórar Grunnskólans í Þorlákshöfn, ásamt hlóðfæraleikurum, mæta og syngja falleg jólalög með okkur og hver veit nema nokkrir sniðugir jólasveinar mæta á svæðið. Kiwanismenn verða að sjálfsögðu á svæðinu með heitt súkkulaði í boði Landsbankans. 

Sú hefð hefur skapast að fyrirtæki á svæðinu bjóði uppá jólaopnun þennan dag og í ár verður engin undantekning á því.

Kompan verður með opið frá 18-21. Tilboð á vörum og ýmsir aðilar mæta með varning til sölu, jólatónlist, kakó og kósý stemning. 

Hendur í höfn verður með jólaopnun frá 16-22. Jólamatseðill ásamt spennandi jóladrykkjum. Ásta Grímsdóttir mun lesa upp úr bókinni sinni ,,Nú erum við í ljótum málum. Sögur af Týra og Bimbó," kl. 19.30. Bókin verður til sölu á staðnum og hægt er að fá áritun.

Meitillinn verður með pizzahlaðborð frá 18-21. Trúbador Ásgeir mun spila undir borðhaldi.