Auglýsing um skipulag

Eftirtaldar skipulagstillögur eru auglýstar skv. 2. mgr. 36. gr. og 1. mgr. 43. gr. skipulagslaga nr. 123/2010. Tillögurnar eru til umsagnar í skipulagsgátt og er hverjum þeim aðila sem telur sig eiga hagsmuna að gæta gefinn kostur á að gera athugasemdir við tillögurnar þar.

Víkursandur – nýjar lóðir fyrir gagnaver – breyting á deiliskipulagi

Lögð er fram breyting á deiliskipulagi iðnaðarsvæðisins I4 vestan Þorlákshafnar sem sett er fram sem heildarendurskoðun. Í breytingunni felst að skipulagssvæðið er stækkað til norðurs og um 25 nýjum lóðum bætt við vegna gagnavera ásamt lóð fyrir tengivirki. Nýtingarhlutfall lóða er 0,5 og hámarkshæð bygginga 15 m. Umhverfismatsskýrsla fylgir tillögunni.

Tillagan var samþykkt til auglýsingar á fundi bæjarstjórnar þann 28. október 2026.

Lambafell – efnistökusvæði E2 og E3 – óveruleg breyting á aðalskipulagi

Lögð er fram óveruleg breyting á Aðalskipulagi Ölfuss 2020–2036 vegna efnistökusvæða E2 og E3 í Lambafelli. Í breytingunni felst að heimilað efnismagn er uppfært til samræmis við umhverfisskýrslur.

Tillagan var samþykkt á fundi bæjarstjórnar þann 28. október 2026.

10 kV jarðstrengur að vatnsverksmiðju – framkvæmdaleyfi

Rarik hyggst leggja 10 kV háspennustreng frá tengivirki Landsnets meðfram gamla Þorlákshafnarvegi og norður að vatnsverksmiðju Icelandic Glacial.

Framkvæmdaleyfið var samþykkt á fundi bæjarstjórnar þann 28. október 2026.

_________________________________

Skipulagstillögurnar eru til umsagnar á Skipulagsgáttinni á www.skipulagsgatt.is til og með 17.12.2026. Til að finna ákveðið mál skal smella á „Leita að máli“ og slá inn nafn málsins í leitarreitinn.

Á Skipulagsgáttinni er hægt að:

• Skoða allar upplýsingar og gögn sem tengjast málinu
• Leggja fram athugasemdir
• Lesa þær athugasemdir sem aðrir hafa sent inn

Ef hakað er við „Vakta mál“ á tilteknu máli, fær viðkomandi tilkynningu í tölvupósti í hvert skipti sem breyting verður á málinu.

Gögn vegna framkvæmdaleyfa eru jafnframt aðgengileg í skipulagsgátt og má finna leiðbeiningar um kærur og upplýsingar um kærufresti hér að neðan.

Þá er einnig hægt að nálgast upplýsingar eða gögn á Bæjarskrifstofu Ölfus, Hafnarbergi 1, Þorlákshöfn, með því að senda fyrirspurn á skipulag@olfus.is eða hafa samband við bæjarskrifstofuna í síma 480 3800.

Sigurður Steinar Ásgeirsson

Sviðsstjóri
Skipulags- og lögfræðisvið

Vakin er athygli á að samkvæmt 52. gr. skipulagslaga nr. 123/2010, sbr. 1. mgr. 9. gr. laga nr. 73/2020 og 2. mgr. 6. gr. laga nr. 160/2010, má kæra ákvarðanir sveitarstjórnar um samþykkt aðalskipulagsbreytinga og deiliskipulagsáætlana til úrskurðarnefndar umhverfis- og auðlindamála, sbr. 1. mgr. 4. gr. laga nr. 130/2011 um úrskurðarnefnd umhverfis- og auðlindamála. Um kærufrest fer samkvæmt 3. mgr. 52. gr. skipulagslaga nr. 123/2010, þar sem kveðið er á um fjögurra vikna kærufrest frá birtingu ákvörðunar í B-deild Stjórnartíðinda.

Ákvörðun sveitarstjórnar um útgáfu framkvæmdaleyfis samkvæmt 13. gr. skipulagslaga nr. 123/2010, sbr. 2. mgr. 14. gr. sömu laga og 5. mgr. 13. gr. reglugerðar nr. 772/2012 um framkvæmdaleyfi, er sjálfstætt kæranleg til úrskurðarnefndar umhverfis- og auðlindamála, sbr. 2. mgr. 4. gr. laga nr. 130/2011. Kærufrestur vegna slíkrar ákvörðunar er einn mánuður, sbr. 2. mgr. 4. gr. laga nr. 130/2011.

Um meðferð kærumála gilda ákvæði laga nr. 130/2011, reglugerðar nr. 1300/2011 um málsmeðferð fyrir úrskurðarnefnd umhverfis- og auðlindamála, auk ákvæða stjórnsýslulaga nr. 37/1993, einkum um kæruheimild, sbr. 26. gr., andmælarétt, sbr. 13. gr., og rannsóknarreglu, sbr. 10. gr. stjórnsýslulaga.

Kæru skal beint til úrskurðarnefndarinnar að Borgartúni 21, 105 Reykjavík, eða með rafrænum hætti í gegnum kærugátt Stjórnarráðs Íslands á www.stjornarradid.is