Guðlaug nýr skólastjóri í Þorlákshöfn

Guðlaug Einarsdóttir ráðin skólastjóri Grunnskólans í Þorlákshöfn

Guðlaug Einarsdóttir hefur verið ráðin skólastjóri við Grunnskólann í Þorlákshöfn.

Guðlaug hefur starfað við skólann í um 25 ár sem grunnskólakennari og gegnir nú starfi deildarstjóra elsta stigs. Hún hefur víðtæka reynslu af kennslu, skólaþróun og stjórnun innan skólasamfélagsins.

Guðlaug hefur aflað sér framhaldsmenntunar á sviði íslenskukennslu, fræðslustarfs og nýsköpunar og hefur komið að fjölbreyttum verkefnum í skólastarfinu. Þá hefur hún einnig tekið þátt í verkefnastjórn og stefnumótun í skólamálum innan sveitarfélagsins og býr yfir umfangsmikilli þekkingu á starfsemi skólans.

Með ráðningu Guðlaugar er áfram byggt á sterkum grunni skólastarfs Grunnskólans í Þorlákshöfn með áherslu á fagmennsku, metnaðarfullt námssamfélag og áframhaldandi þróun skólastarfs til framtíðar.

Við bjóðum Guðlaugu velkomna til starfa og óskum henni velfarnaðar í nýju hlutverki.