Ísland meðal fimm athyglisverðustu brimbrettasvæða í heimi

Í vefmiðlinum Vísi, vekur Jón Hákon Halldórsson athygli á grein sem birtist í Financial Times. Þar er Ísland nefnt meðal fimm athyglisverðustu brimbrettasvæða í heiminum. Staðirnir sem sérstaklega eru tilgreindir á Íslandi eru Reykjanesið, Sandgerði og Þorlákshöfn en einnig Siglufjörður og Húsavík.

Önnur lönd sem bjóða upp á áhugaverð brimbrettasvæði eru Kína, Vestur-Írland, Grænhöfðaeyjar og Filippseyjar.  Nefnt er að í kjölfar mikillar þróunar í gerð blautbúninga geti lönd á borð við Ísland boðið upp á brimbrettaiðkun, en haustin þykja sérlega góður tími til brimbrettaiðkunar, enda má þá oft sjá háar öldur.

 Fréttina í Vísi má sjá um slóðina: Sjá greinina á visir.is

 

Með greininni fylgdi tengill á myndband á youtube sem sýnir brimbrettaiðkun í Ölfusinu.

 

Horfa á myndskeið með frétt