Sumardagurinn fyrsti í Garðyrkjuskóla LbhÍ á Reykjum í Ölfusi

Þá er sumarið á næsta leiti og þá er líka opið hús í Garðyrkjuskólanum á Reykjum (Hveragerði).

Opið er frá kl. 10:00 til 17:00

Að venju verður ýmislegt að sjá og gera:

- Á sölutorgi verður hægt að nálgast ferskt grænmeti, blóm, kryddolíur, jarðaberjaplöntur tilbúnar í stofugluggann og fleira til.

- Bananahúsið verður opið fyrir þá sem vilja smá hitabeltisstemmingu.

- Á útisvæðum verða vélar og tæki til sýnis og hægt að fá ketilkaffi og kannski sykurpúða til að grilla.

- Í verknámshúsi verða verkefni nemenda til sýnis, tjarnir og náttúrugrjót. Einnig verða þar grillaðar pylsur til sölu og ís.

- í eldhúsinu verða að venju vöfflur, kaffi og kakó til sölu ásamt ís sem hægt er að njóta í hlýjunni í garðskálanum.

- Um miðjan daginn verður að venju hátíðardagskrá þar sem forseti Íslands afhendir garðyrkjuverðlaunin sem nú eru veitt í 20. sinn.

Sjáumst hress á sumardaginn fyrsta!

Hátíðardagskrá í Garðyrkjuskóla LbhÍ á Reykjum í Ölfusi 21. apríl 2022 kl. 14:00—15:00

Fundarstjóri: Björgvin Örn Eggertsson

14:00 – 14:05 Tónlistaratriði - Brynhildur Erla Finnbjörnsdóttir, þverflautunemandi

14:05 – 14:10 Setning – Guðríður Helgadóttir, garðyrkjufræðingur

14:00 – 14:30 Garðyrkjuverðlaun LbhÍ 2022

Forseti Íslands, Guðni Th. Jóhannesson

14:30 – 14:35 Tónlistaratriði - Brynhildur Erla Finnbjörnsdóttir, þverflautunemandi

14:35 – 14:45 Umhverfisverðlaun Hveragerðis – Formaður Bændasamtaka Íslands, Gunnar Þorgeirsson

14:45 – 14:55 Ávarp – Olga Lísa Garðarsdóttir, skólameistari FSu

14:55 – 15:00 Slit – Björgvin Örn Eggertsson, fundarstjóri