Viltu starfa í slökkviliði?

Brunavarnir Árnessýslu auglýsa eftir slökkviliðsmönnum, bæði konum og körlum, til starfa á starfsstöðum sínum á Selfossi, Laugarvatni, Flúðum, Reykholti, Árnesi, Hveragerði og Þorlákshöfn. Um er að ræða hlutastörf í útkallsliði BÁ.

Hæfniskröfur vegna starfsins:

• Sveinspróf eða stúdentspróf er kostur.
• Æskilegt er að hafa ökuréttindi til að stjórna vörubifreið, þó ekki skilyrði.
• Færni í samskiptum, frumkvæði og geta til að vinna undir álagi.
• Hafa góða líkamsburði og gott andlegt/líkamlegt heilbrigði.
• Hafa góða sjón og heyrn, rétt litaskyn og vera ekki lofthrædd(ur) eða með innilokunarkennd.
• Almenn reglusemi og háttvísi.

Umsókn þarf að fylgja eintak af:

• Ökuskírteini; ljósrit af báðum hliðum ökuskírteinis sem sýnir ökuréttindi (bakhlið) og mynd af viðkomandi (framhlið).
• Prófskírteini sem sýnir menntun sem umsækjandi hefur.
• Sakavottorð (í pappírsformi og ekki eldra en 3 mánaða) – frá Sýslumanni
• Ökuferilskrá (í pappírsformi og ekki eldra en 3 mánaða) – frá lögreglunni
• Læknisvottorð (í pappírsformi og ekki eldra en 3 mánaða) – frá heimilislækni þar sem kemur fram almennt heilbrigði
• Nýleg og góð/skýr passamynd.
• Ferilskrá.

Tekið er á móti umsóknum í Björgunarmiðstöðinni við Árveg 1 á Selfossi,

í umslagi merkt: ,,Slökkviliðsmenn 2020”

Inntökuferlið

Inntökuprófin felast í könnun á lofthræðslu og innilokunarkennd, starfstengdum verkefnum, þrek- og styrktarprófi, læknisskoðun og viðtali.  

Viðtal

Umsækjendur sem uppfylla inntökuskilyrði eru boðaðir í viðtal. Gert er ráð fyrir 10-15 mínútum á hvern umsækjanda.

Konur eru sértaklega hvattar til að sækja um.

Kynningarfundur fyrir áhugasama verður í Björgunarmiðstöðinni á Selfossi miðvikudaginn 23. september kl 20:00.

Umsóknarfrestur er til og með 30. september 2020

Nánari upplýsingar um starfið veita:

Haukur Grönli varaslökkviliðsstjóri , haukur@babubabu.is  og

Lárus Kristinn Guðmundsson þjálfunarstjóri , larus@babubabu.is eða í síma 480-0900