Auglýsing skipulagstillagna

Eftirtaldar skipulagstillögur voru samþykktar til auglýsingar í bæjarstjórn Ölfuss þann 24. febrúar síðastliðinn, í samræmi við 1. málsgrein 40. greinar skipulagslaga nr. 123/2010. Tillögurnar eru:

Breyting á deiliskipulagi fyrir Móa – miðsvæði í Þorlákshöfn.

Efla hefur gert tillögu að breytingu á deiliskipulagi Móa þar sem byggingarreitum og lóðum er breytt. Þetta er meðal annars gert til að einfalda fyrirkomulag bílastæða svo einfaldara verði að koma fyrir hleðslustöðum íbúðareiganda.

Deiliskipulag Mói-miðsvæði

Breyting á deiliskipulagi Norðurhrauns í Þorlákshöfn.

Tillagan hefur verið auglýst áður en er nú auglýst aftur vegna galla í gögnum. Hefur töflu sem sýnir helstu tölur fyrir breytingu verið bætt við á síðu 5 í greinargerð, töflum hefur verið skipt út á deiliskipulagsuppdrætti auk annarra smáleiðréttinga.

Tillaga að deiliskipulagi Norðurhraun

Greinargerð Norðurhraun

Tillögurnar verða til sýnis á bæjarskrifstofu Ölfuss, Hafnarbergi 1, Þorlákshöfn frá 1. mars til 13. apríl 2022. Hægt er að senda ábendingar eða athugasemdir á netfangið skipulag@olfus.is fyrir lok vinnudags þann 13. apríl 2022.

Deiliskipulagstillaga fyrir Auðsholt í Ölfusi.

Deiliskipulagstillaga fyrir Auðsholt í Ölfusi var til umfjöllunar eftir auglýsingu á fundi bæjarstjórnar Ölfuss þann 4. febrúar síðastliðinn. Samþykkt var að ganga frá málinu með auglýsingu í B-deild stjórnartíðinda í samræmi við 3. málsgrein 41. greinar og 1. málsgrein 42. gr. skipulagslaga nr. 123/2010.

Gunnlaugur Jónasson, skipulagsfulltrúi