Auglýsing um skipulag

Eftirfarandi skipulagstillögur voru samþykktar til auglýsingar í samræmi við 1. málsgrein 41. greinar skipulagslaga nr. 123/2010 af bæjarstjórn Ölfuss á 298. fundi hennar þann 27. jan. síðastliðinn.

Deiliskipulagstillaga fyrir Lindarbæ í Árbæ

Tillagan nær yfir lóðina Lindarbæ í Árbænum, landnúmer 171766. Hún markar heimildir og setur skilmála svo unnt sé að gera bílskúr á lóðinni og byggja við núverandi íbúðarhús.

Deiliskipulagstillaga Lindarbær

Deiliskipulagstillaga fyrir Laxabraut 17

Tillagan nær yfir fiskeldi á lóðinni Laxabraut 17 og markar heimildir fyrir mannvirkjum í formi húsa, kerja, fóðursílóa, súrefnistanka, vatns- og frárennslislagna, ásamt lagningu gatna, plana og bílastæða og annað er fiskeldi á landi krefst. Vatnsöflun til rekstursins verður frá borholum innan lóðar. Frárennsli verður síað og hreinsað áður en það verður leitt til sjávar. Í greinagerð er ákvæði um að ljósmengun skuli lágmörkuð og tryggt verði að frárennsli loki ekki gönguleið meðfram ströndinni.

Uppdráttur Laxabraut 17

Greinargerð Laxabraut 17

Breyting á deiliskipulagi hafnarsvæðis í Þorlákshöfn

Breytingin heimilar stækkun lóðarinnar Hafnarskeið 22 um tæpa 1700 fermetra. Lóðamörk færast örlítið til og ólagða gatan Boðaskeið verður blindgata. Þetta er gert svo hægt sé að koma fyrir nýju vöruhúsi með hleðsludyrum báðu megin og vöruflutningabílar geti athafnað sig innan lóðar.

Uppdráttur Hafnarskeið 22

Deiliskipulagstillaga fyrir lóðina Suðu í Selvogi

Deiliskipulagstillögan nær yfir sumarhúsalóð í Selvogi sem ber nafnið Suða. Tillagan gerir ráð fyrir að núverandi hús verði gestahús og heimilt verði að byggja nýtt sumarhús á lóðinni allt að 150 m2.

Uppdráttur Suða í Selvogi

Tillögurnar verða til sýnis á bæjarskrifstofu Ölfuss, Hafnarbergi 1, Þorlákshöfn frá 2. febrúar 2022 til 16. mars 2022. Hægt er að senda ábendingar eða athugasemdir á netfangið skipulag@olfus.is fyrir lok vinnudags þann 16. mars 2022.

Gunnlaugur Jónasson, skipulagsfulltrúi