Sumarnámskeið fyrir börn í Ölfusi

Það verður fjör í sumar

Boðið verður uppá fjölbreytt og skemmtileg námskeið í sumar. 
Sjá  sumarnámskeið

Eins og undanfarin sumur bjóða íþrótta- og frístundafélög í Ölfusi uppá námskeið en í sumar var horft til þess að auka einnig framboð á menningar- og listatengdum námskeiðum.

Sumarfrístund fyrir börn í 1. - 4.b. er opin frá kl. 8 - 16 virka daga frá 10. júní - 9. júlí. Vetrarfrístund hefst 11. ágúst.

Fylgist vel með viðburðadagatali Ölfuss á heimasíðu sveitarfélagsins olfus.is en þar má finna upplýsingar um öll sumarnámskeiðin. Einnig má sjá nánari upplýsingar hjá námskeiðshöldurum. Athugið að fleiri námskeið eru fyrirhuguð í sumar sem verða auglýst síðar á olfus.is.

Góð samvera - góðar minningar
Reynslan hefur sýnt að foreldrar sem taka virkan þátt í lífi barna sinna eru besta forvörnin. Samvera foreldra og barna er afar mikilvæg og gefast mörg tækifæri til slíkra stunda á sumrin. Mikilvægt er að allir taki höndum saman og hugi að öryggismálum í sumarleikjum. Trampolín eru nokkuð algeng í görðum og er brýnt að foreldrar ítreki fyrir börnum að sýna aðgát og að öryggisnet séu uppsett. Munum líka eftir hjálmunum í sumar, hvort sem við erum á hjóli, hestbaki, línuskautum eða brettum.

Sjá upplýsingar um íþróttamannvirki og -starf í Ölfusi 

Körfuknattleiksæfingar

Námskeið í skapandi skrifum

Leiklistarnámskeið

Fótboltaskóli

Golfæfingar fyrir börn og unglinga

Fimleikanámskeið

Sköpum okkur nýjan heim með formum og litum

Frjálsar Íþróttir

Frisbígolf

Rappnámskeið